اردو دائرہ معارف القرآن: مدیر بلاگ

‏مدیر بلاگ لیبل والی اشاعتیں دکھا رہا ہے۔ سبھی اشاعتیں دکھائیں

امامُ النّاس

امام الناس - ابوالبشر احمد طیب

نوح ؑ کے بیٹے سام کی اولاد سب سے پہلے عرب میں پھیلی ، سامی قبائل میں سب سے پہلا نامور اور ممتاز قبیلہ بنو ارم پیدا ہوئے ، انہیں سے ہود ؑ کی قوم عاد اور صالح ؑ کی قوم ثمود ؑ بنی، حسب تورات ان دو قوموں کی حکومت بابل (عراق )، شام (فلسطین) عرب ، مصر تک پھیلی ہے ، قرآن میں "ارم ذات العماد " ( عظیم الشان عمارتوں والے ) سے انہی اقوام کی طرف اشارہ ہے ۔۔ ابراہیم ؑ سے پہلے ہود ؑ جنوبی عرب قبائل عاد میں توحید کی دعوت لیکر اٹھے، پھر ان کے بعد صالح ؑ شمالی عرب قبائل ثمود میں اٹھے ۔ ابراہیم ؑ جس زمانہ میں پیدا ہوئے بنو ارم یعنی عاد اور ثمود بابل ، شام اور مصر میں حکمران تھے ۔

تورات کے مطابق نوح ؑ اور ابراہیم ؑ کے درمیان دس پشتوں کا فرق ہے ۔ ابراہیم ؑان کی گیارہویں پشت پر ہے۔ قرآن میں ابراہیم ؑ کے والد کا نام آزر آیا ہے ۔ اپنے وقت کے بڑ ے بت تراش ،آرٹسٹ اور حکومت کے سب سے بڑے عہدے دار تھے ۔

جدید تحقیق کے مطابق ابراہیم ؑ کا سال پیدائش 2160 قبل مسیح ہے ۔ آپ کا آبائی وطن بابل (یا کلدانیہ ) ہے جسے آج کل عراق کہتے ہیں۔ جس شہر میں آپ کی ولادت ہوئی اس کا نام تورات میں" اُر (UR) " ہے ۔ یہ شہر خلیج فارس کے دہانہ فرات اور عراق کا جدید شہر بغداد کے تقریبا درمیانی راستہ پر ہے ۔ یہ نہایت مقدس ، بڑا صنعتی اور تجارتی مرکز تھا ۔ شہر کا ریاستی مذہب ،قوم کے رسوم و آداب مشرکانہ تھے، ہر جگہ صنم خانوں کی رونق ، دیوی دیوتاؤں کی مورتیوں کی ریل پیل تھی ۔چنانچہ جس گھرانہ میں ابراہیم ؑ پیدا ہوئے وہ بھی شرک، بت پرستی اور کواکب پرستی کا گہوارہ تھا ۔

قرآن حکیم : فلسفہ جبر و اختیار

انسان نے جب سے زندگی کے مسائل پر غور کرنا شروع کیا اسی وقت سے اس کے سامنے یہ سوال بھی رہا ہے کہ کیا انسان غیب کی طرف سے ایک مقررہ ڈگر پر ہانک دیا گیا ہے کہ اب وہ بالکل بے اختیار ہے، یا وہ اپنے لیے خود راہ عمل اختیار کرتا ہے، اس کے ارادے اور عمل میں کسی کا کوئی دخل نہیں ، وہ اپنے فیصلے اور کام خود کرتا ہے۔؟ اس مسئلہ میں اہل دانش کے دو گروہ ہیں : ایک جبر کے قائل ہے کہ غیب کی طرف سے انسان کے لیے ایک راہ مقرر کردی گئی وہ اس پر چلنے پر مجبور ہے اور دوسرا گروہ انسان کی آزادی اور اختیار کا قائل ہے ۔

اگر پہلی صورت ہے یعنی جبر تو انسان کے اعمال کے نیک اور بد ہونے کا سوال ہی نہیں پیدا ہوتا اور انسان کو اس کے اعمال پر جزا و سزا ملنے کا تصور بے معنی ہوجاتا ہے ۔ اور اگر دوسری صورت ہے یعنی آزادی اور اختیار تو انسان کی آزادی کی نوعیت کیا ہے اور وہ کس حد تک اپنے فیصلے اور عمل میں آزاد ہے؟ ابارے میں فلسفیوں نے مختف رائی ظاہر کی ہے ، ذیل میں اس فلسفہ جبر اور اختیار کے بارے میں فلسفیوں کے مختلف دلائل کا تنقیدی جائزہ لیں گے پھر قرآن حکیم کا نقطہ نظر پیش کیا جائے گا ۔

جو فلسفی جبر کے قائل ہیں ، ان کے دلائل یہ ہیں کہ انسان اس کائنات میں ایک میشن کے پرزہ کی مانند ہے ، اس لیے کسی پرزے کی آزادی کا سوال پیدا نہیں ہوتا ۔ ان کی طرف سے دوسری دلیل یہ دی جاتی ہے کہ جس طرح دنیا کی ہرچیز طبیعات کے بے لچک قوانین کے تحت چل رہی ہے انسان بھی انہی بے لچک قوانین کے تابع ہے اس وجہ سے آزادی کا سوال ہی نہیں پیدا ہوتا ۔ البتہ کچھ متعدل فلسفیوں کا کہنا ہے کہ ازل سے ابدتک تمام واقعات علت و معلول کی ایک طویل زنجیر کی کڑیاں ہیں ۔ انسان بھی اس زنجیر کی ایک کڑی ہے اس وجہ سے اس کے اعمال ایسے عوامل کا نتیجہ ہیں جن پر انسان کو کوئی اختیار نہیں ، اس گروہ کا نمائندہ فلسفی ، زینو (zeno) ہے، مشہور فلسفی والٹئیر نے یہ کہ کر بات ختم کردی " میں جو چاہوں اگر کرسکوں تو آزاد ہوں لیکن کیا میں یہ چاہنے میں بھی آزاد ہوں ؟ " یونان کے ابتدائی عہد کے فلسفیوں کا عقیدہ تھا کہ دنیا پر چند جابر قوتوں کی حکمرانی ہے جن کے سامنے انسان بے بس ہے، یہی قوتیں انسان کی تقدیر کا فیصلہ کرتی ہیں۔ یونان اور ہندوستان کی ساری دیومالائی کہانی اسی تصور پر گھڑی گئی تھی ۔ فلسفیوں کا ایک بڑا گروہ جس میں قدیم یونانی رواقی فلسفی، وحدۃ الوجود کے قائل فلسفی سپنوزا اور پندرھویں صدی اور سولہویں صدی کے سائنسدان اور فرانس کا مشہور فلسفی والٹیئر اس عقیدہ جبر کے قائل ہیں۔

حضرت شعيب عليہ السلام اور ان کى قوم

ابراہیم ؑ کی نسل : بنی اسماعیل ، بنی اسرائیل اور بنی مدین تین مشہور شاخیں ہیں، اللہ تعالی نے ان کی نسل سے عظیم قومیں پیدا کیں ۔ جن سے نبوت کا سلسلہ آگے چلا ، آپ کے فرزند اسحاق ؑکے بیٹے یعقوبؑ کے بارہ بیٹوں سے بنی اسرائیل کے بارہ قبیلے وجود میں آئے ، جوشام اور مصر میں آبادہوئے۔ ان میں جلیل القدر انبیاء اور بادشاہ پیدا ہوئے ۔ ابراہیم ؑ کا بیٹا مدین سے بنی مدین وجود میں آئے ، انہیں میں حضرت شعیب ؑ نبی بنے۔ ابراہیم ؑ نے اپنے فرزند اسماعیل ؑکو وادی غیر ذی زرع بکہ ( مکہ ) میں آباد کیا تھا ، جن سےبنی اسماعیل کی نسل چلی ، اسماعیلؑ کے بعد بنی اسماعیل میں کوئی نبی نہیں آیا، اس دوران نبوت کا سلسلہ بنی مدین اور بنی اسرائیل میں جاری رہا ۔ اسماعیل ؑ کے بعد اس سلسلہ نبوت کے آخری نبی حضرت محمد ﷺ ہیں۔ اللہ نے جن کی رسالت کوتمام جہاں کے لیے تاقیامت رحمۃ للعالمین اور کافۃ للناس بنادیا ۔

آثار مدین

بنو مدین کا تعلق حضرت ابراہیم ؑ کی ایک تیسری بیوی قطورا سے تھا ، ان کے بطن سے ایک بیٹا مدین پیدا ہوا ، جو سب سے زیادہ مشہور ہو ا ، مدین کے کئی اور بھی بھائی تھے ، ان کی اولادیں بھی تھیں ، تورات میں صرف دو کی اولاد کا ذکر ہے ، بنی دوان اور بنی مدین ، اور شعیب ؑ کا تعلق بنی مدین سے تھا ، دوان کا ذکر قرآن مجید میں اصحاب الایکہ (جنگل والے ) کے نام سے آیا ہے ، جبکہ بنی مدین کو قوم شعیب کہاگیا ۔ یہ دونوں تاجر قوم تھیں ، ان دونوں قوموں اور علاقوں کے بیک وقت شعیب ؑ نبی تھے ۔ حضرت شعیب ؑ کا نام تورات میں جوباب یا ثیرومذکور ہے ، عربی میں بدل کرشعیب مشہور ہوا ۔ مدین اور ایکہ ان دونوں علاقوں کا آپس میں گہرا تعلق تھا ، ان کا زمانہ بھی باہم ایک تھا ، جس کی بنا پر دونوں آبادیوں کے لیے ایک ہی نبی کی بعثت ہوئی ، نیز قرآن مجیدنے دونوں کے اخلاق اور کردار کا نقشہ بھی ایک ہی پیش کیا ۔

قرآن حکیم : خیر اور شر کے فلسفہ پر ایک نظر

انسان نے جب سے زندگی کے مسائل کو سمجھنے کی کوشش شروع کی ہے اس وقت سے خیر اور شر کا موضوع اس کے غور و فکر کا بنیادی مسئلہ رہا ہے ، ہر زمانے کے فلسفیوں نے اس موضوع پر رائی زنی کی ہے ، اہل مذہب نے بھی اس عقدہ کو حل کرنے کی کوشش کی، لیکن اس موضوع کو چند سوالات نے مزید الجھا دیا وہ یہ ہیں :

1- کیا خیر اور شر دو الگ الگ چیزیں ہیں یا دونوں کا وجود محض اضافی اور نسبتی ہے یعنی کیا زمانہ اور حالات کے لحاظ سے خیر اور شر کا معیار بدل جا تا ہے ؟

2- کیا خیر اور شر کا تصور انسان کی فطرت میں لکھا ہوا ہے اگر ایسا ہے تو وہ کون سا معیار اور کسوٹی ہے جن پر پرکھ کر معلوم کیا جاسکے کہ یہ خیر ہے اور یہ شر ہے ؟

3- اگر خیر اور شر کا معیار فطری ہے تو قوموں ، ملتوں اور گروہوں اور افراد کے درمیاں اختلافات کیوں ہیں ؟

ان سوالات پر ہرزمانہ کے دانشوروں ، حکیموں اور فلسفیوں نے غور و فکر کے بعد اپنی اپنی رائے ظاہر کی ہے۔ لیکن قرآن حکیم اس بارے میں ایک خاص نقطہ نظر پیش کرتا ہے ، یہاں قرآن مجید کا نقطہ نظر اور چند مشہور فلسفیوں کی آراء کا تنقیدی جائزہ پیش کیا جاتاہے ۔

کچھ فلسفیوں کا خیال ہے کہ خیر اور شر نغمہ کے زیر و بم اور تصویر کے سرخ اور سیاہ دھبوں کی طرح ہے ۔ ان فلسفیوں کے نمائدے ہیرا قلیطس اور سینٹ آگسٹائن وغیرہ ہیں ، ان کے نزدیک نغمہ کے زیر و بم کی طرح خیر اور شر، نیکی اور بدی دونوں دنیا کے لیے ضروری ہیں ۔ ان سے دنیا کی رنگینی میں اضافہ ہو تا ہے ۔ مادی اشیاء کے متعلق تو یہ کہنا درست ہے کہ کہ گندی سے گندی چیز بھی کام آجا تی ہے گندگی سے بنی کھاد بھی اپنی جگہ بڑی قیمت رکھتی ہے لیکن اخلاقیات کے متعلق یہ معیار درست نہیں ۔ سچ اور جھوٹ ، ایمانداری اور بے ایمانی برابر نہیں ہوسکتی ۔ ارشاد باری تعالی ہے :

" قُل لَّا يَسْتَوِي الْخَبِيثُ وَالطَّيِّبُ وَلَوْ أَعْجَبَكَ كَثْرَةُ الْخَبِيثِ " (المائدہ : 100)

"اے پیغمبر ؐ ! اِن سے کہہ دو کہ بری چیز اور عمدہ چیز بہرحال یکساں نہیں ہیں خواہ بری چیز کی کثرت تمہیں کتنا ہی فریفتہ کرنے والی ہو۔ "

تفسیر سفیان ثوری کی تحقیق و تدوین

امام سفیان ثوری ہماری علمی تاریخ میں امیر المومین فی الحدیث کے لقب سے مشہور ہیں ۔ آپ تبع تابعین میں سے تھے آپ کا شمار آئمہ مجتہدین اور ایک الگ فقہی مسلک کے بانی میں کیا جاتا ہے اگرچہ مورخین نے ان کو مفسرین کے طبقات میں شمار نہیں کیا لیکن اپنے دور میں تفسیر و تاویل کے میدان میں دوسرں سے کم نہ تھے جیسے سفیان بن عیینہ، وکیع بن جراح، اسحاق بن راہویہ ہیں۔

باختلاف روایت سفیان ثوری کی ولادت سلیمان ابن عبد الملک کے زمانۂ خلافت میں سنہ 96،97ھ بمطابق 715ء میں ہوئی (بعض لوگوں نے ان کا سنہ ولادت سنہ95ھ لکھا ہے؛ مگریہ اس لیے غلط ہے کہ اس بات پرسب کا اتفاق ہے کہ وہ سلیمان کی خلافت میں پیدا ہوئے تھے اور سلیمان سنہ96ھ میں تخت خلافت پربیٹھا تھا)۔ سفیان ثوری کی وفات۔ 161ھ /۔ 778ء میں ہوئی.

برصغیر کے مشہور عالم دین، عربی دان، محقق و ادیب و نقاد مولانا امتیاز علی عرشی صاحب نے پہلی مرتبہ تفسیر سفیان ثوری کو عربی زبان میں مرتب کیا، آپ نے اس پر حواشی اور تعلیقات بھی لکھی، حکومت ہند کی طرف سے اس کی طباعت کا اہتمام کیا گیا۔

مولاناعرشی صاحب نے ان کی دیگر تصنیفات کی جوتفصیل اپنے مضمون مطبوعہ معارف سنہ۱۹۳۵ء میں دی ہے اس کے مطابق سفیان ثوری کی تصانیف درج ذیل ہیں۔

(۱)الجامع الکبیر فی الفقہ، یہ کتاب ابوبکر محمد بن ابی الخیر الاموی نے چوتھی صدی ہجری میں اور علامہ محمد عابد بن احمد لعی سندی نے تیرھویں صدی ہجری کے نصف اوّل میں پڑھی تھی۔

(۲)الجامع الصغیر، جو الجامع کے نام سے مشہور ہے ۔ یہ ایک زمانہ میں محدثین میں بڑی مقبول و متداول رہی ہے۔ چنانچہ امام بخاری نے علمِ حدیث کی جب تحصیل شروع کی تو سب سے پہلے جن کتابوں کی طرف توجہ کی وہ سفیان ثوری کی ’’جامع‘‘ اور عبد اللہ بن مبارک اور وکیع کی تصنیفات تھیں۔ امام بخاری نے ’’جامعِ سفیان‘‘ کا سماع اپنے وطن ہی میں امام ابوحفص کبیر سے کیا تھا۔

(۳)اکتاب الفرائض یہ کتاب بھی محمد بن عابد سندی نے پڑھی تھی، اس سے معلوم ہوا کہ یہ کتاب بھی تیرھویں صدی تک موجود تھی۔

نِعمَ العَبدُ! حضرت ایوب علیہ السلام - ابوالبشر احمد طیب

اسلامی اور اسرائیلی روایات میں حضرت ایوب ؑ کا قصہ ، بہت معروف و مشہور ہے یہاں تک کہ "صبر ایوب" ایک محاورہ بن گیا ہے ، لیکن اس قصہ پر اسرائیلی روایات کی کچھ ایسی تہہ جم گئی ہے کہ اصل حقیقت خرافات کے پردہ میں چھپ گئی ہے ۔ بائیبل میں ایک صحیفہ، سفر ایّوب ؑ کے نام سے شامل ہے ، محققین کا خیال ہے کہ یہ اصلا قدیم عربی میں لکھی گئی تھی ، حضرت موسی ؑ نے اس کو عربی سے عبرانی میں منتقل کیا ہے ۔ تورات میں سب سے قدیم صحیفہ ،سفر ایوب ہے ، اس اعتبار سے حضرت ایوب ؑ کا زمانہ موسی ؑ سے بہت پہلے تھا ۔ یہ صحیفہ حکمت کے بہت سے جواہر اپنے اندر رکھنے کے باوجود یہ یقین کرنا مشکل ہے کہ اس صحیفہ کا تعلق براہ راست حضرت ایوب ؑ سے ہے یا نہیں ۔ اور اس لیے بھی کہ قرآن میں اور خود اس صحیفہ کی ابتدا میں حضرت ایّوب ؑ کے جس صبرِ عظیم کی تعریف کی گئی ہے ، اس کے بالکل برعکس ساری کتاب ہمیں یہ بتاتی ہے کہ حضرت ایّوب ؑ اپنی مصیبت کے زمانے میں اللہ تعالیٰ کے خلاف سراپا شکایت بنے ہوئے تھے، حتٰی کہ ان کے ہمنشین انہیں یقین دلانے کی کوشش کرتے رہےکہ خدا ظالم نہیں ہے، مگر وہ کسی طرح ان کی باتوں سے مطمئن نہیں ہوئے ۔

حضرت ایوب ؑ کی نسب ، قوم ، زمانہ کے متعلق بہت شدید اختلافات ہیں، بعض شواہد سے معلوم ہوتا ہے آپ فرزندان یعقوب ؑ کے ہمعصر ہیں، جدید تحقیق میں بعض ان کو مصری اور بعض عرب اور بعض اسرائیلی قرار دیتے ہیں، کوئی ان کو موسی ؑ سے پہلے اور کوئی داؤد ؑاور سلیمانؑ کے زمانہ کا قرار دیتا ہے ۔ اور کوئی ان سے بھی متاخر ۔ ایک روایت سے یہ بھی معلوم ہوتا ہے کہ آپ کی زوجہ، حضرت یوسف ؑ کےفرزند ابفرائین کی لخت جگر تھی جو بڑی حسین و جمیل اور صحت مند تھیں ، یہ بھی روایت ہے کہ حضرت ایوب ؑ کی بیماری کے دوران ، ان کی باوفا بیوی کے سوا گھر کے بیشتر افراد ان کا ساتھ چھوڑ گئے تھے ۔ کچھ روایات میں ذکر ہے کہ آپ حضرت یعقوب ؑ کے بڑے بھائی عیسو کی اولاد میں سے تھے ، عیسو فلسطین سے حضرت اسماعیل ؑ کے پاس آگئےتھے ، وہاں پر اسماعیل ؑ کی صاحبزادی سے شادی کی ہے ، عیسوکا نام عرف عام میں ادوم تھا، اس لیے ان کے خاندان اور علاقہ کا نام ادوم پڑگیا ، چند صدیوں کے بعد یہ ایک عظیم قوم بن گئی ، ادوم کی ایک نسل کانام عوض تھا ، حضرت ایوب ؑ کا تعلق اسی نسل سے تھا ، جدید تحقیق کے مطابق آپ کا علاقہ عرب کے شمال و مغرب میں فلسطین کی مشرقی سرحد کے قریب تھا ۔ اس لیے بعض علماء نے ان کو عرب قرار دیا ، آپ کا زمانہ معین نہ ہوسکا ، بعض کا خیال ہے کہ آپ کا ز مانہ ایک ہزار قبل مسیح اور سات سو قبل مسیح کے درمیان ہے ۔

مستشرقین کی قرآن مجید کے قصوں کے
۔ مآخذ کا کھوج لگانے کی ناکام کوشش

مستشرقین مغرب نے قرآن مجید کے قصوں کے مآخذ کا کھوج لگانے کی کوشش کی ہے ، اوردعوی کیا ہے کہ محمد(صلی اللہ علیہ و سلم) نے وحی کے بجائے دوسرے ذرائع سے نقل کر کے یہ قصہ بنا لیا اور پھر دعویٰ کر دیا کہ یہ تو میرے اوپر بذریعہ وحی نازل ہوا ہے۔ وہ تین قصے تاریخ سے پیش کرتے ہیں : ایک داستان گلگامیش ، دوسرے سکندر نامۂ سرُیانی ، اور تیسرے وہ یہودی روایت جس کا تَلْمُود میں ذکر ہے ، مگر اس میں حضرت موسیٰؑ کے بجاۓ ربی یہوحانان بن لادی کی طرف منسوب ہے اور تلمود کا بیان یہ ہے کہ ربی مذکور کو یہ واقعہ حضرت الیاس کے ساتھ پیش آیا تھا جو دنیا سے زندہ اٹھاۓ جانے کے بعد فرشتوں میں شامل کر لیے گۓ ہیں اور دنیا کے انتظام پر مامور ہیں۔ (The Talmud Selections By H Polano, pp. 313 .16 )

مستشرقین کی غلطی یہ ہے کہ جو تحقیقات وہ قرآن کے بارے میں کرتے ہیں اس میں پہلے یہ طے کر لیتے ہیں کہ قرآن ایک انسانی کلام ہے یہ منزل من اللہ نہیں ہے ،اس غلط مقدمہ کی بنیاد پر وہ کوشش کرتے ہیں کہ جو کچھ محمدﷺ نے پیش کیا ہے یہ فلاں فلاں کتاب اور فلاں فلاں مقامات سے چراۓ ہوۓ مضامین اور معلومات ہیں۔ اس طرز تحقیق میں یہ لوگ اس قدر بے شرمی کے ساتھ کھینچ تان کر زمین آسمان کے قلابے ملاتے ہیں ، ایک معقول انسان کو گھن آنی لگتی ہے، اگر کوئی ان سے صرف چار سوالوں کا جواب طلب کرے تو ان کی اس متعصبانہ افترا پردازی کا پردہ بالکل چاک ہو جاۓ :

کیا اللہ کے ساتھ کوئی اور خدابھی ہے ؟

قُلِ الۡحَمۡدُ لِلّٰہِ وَ سَلٰمٌ عَلٰی عِبَادِہِ الَّذِیۡنَ اصۡطَفٰی ؕ آٰللّٰہُ خَیۡرٌ اَمَّا یُشۡرِکُوۡنَ ﴿ؕ۵۹﴾

﴿اے نبی ؐ ﴾ کہو، حمد ہے اللہ کے لیے اور سلام اُس کے اُن بندوں پر جنہیں اس نے برگزیدہ کیا۔ ﴿اِن سے پُوچھو﴾ اللہ بہتر ہے یا وہ معبُود جنہیں یہ لوگ اس کا شریک بنا رہے ہیں؟

اَمَّنۡ خَلَقَ السَّمٰوٰتِ وَ الۡاَرۡضَ وَ اَنۡزَلَ لَکُمۡ مِّنَ السَّمَآءِ مَآءً ۚ فَاَنۡۢبَتۡنَا بِہٖ حَدَآئِقَ ذَاتَ بَہۡجَۃٍ ۚ مَا کَانَ لَکُمۡ اَنۡ تُنۡۢبِتُوۡا شَجَرَہَا ؕ

بھَلا وہ کون ہے جس نےآسمانوں اور زمین کو پیدا کیا اور تمہارے لیے آسمان سے پانی برسایا پھر اس کے ذریعہ سے وہ خوشنما باغ اُگائے جن کے درختوں کا اُگانا تمہارے بس میں نہ تھا؟ ﴿اِن کاموں میں شریک﴾ ہے؟

ءَ اِلٰہٌ مَّعَ اللّٰہِ ؟ کیا اللہ کے ساتھ کوئی دُوسرا خدا بھی ہے؟

بَلۡ ہُمۡ قَوۡمٌ یَّعۡدِلُوۡنَ ﴿ؕ۶۰﴾ ﴿نہیں﴾، بلکہ یہی لوگ راہِ راست سے ہٹ کر چلے جا رہے ہیں۔

اَمَّنۡ جَعَلَ الۡاَرۡضَ قَرَارًا وَّ جَعَلَ خِلٰلَہَاۤ اَنۡہٰرًا وَّ جَعَلَ لَہَا رَوَاسِیَ وَ جَعَلَ بَیۡنَ الۡبَحۡرَیۡنِ حَاجِزًا ؕ

اور وہ کون ہے جس نے زمین کو جائے قرار بنایا اور اس کے اندر دریا رواں کیے اور اس میں ﴿پہاڑوں کی﴾ میخیں گاڑ دیں اور پانی کے دو ذخیروں(میٹھا اور کھارا) کے درمیان پردے حائل کر دیے؟

ءَ اِلٰہٌ مَّعَ اللّٰہِ ؟ کیا اللہ کے ساتھ کوئی اور خدا بھی ہے؟

بَلۡ اَکۡثَرُہُمۡ لَا یَعۡلَمُوۡنَ ﴿ؕ۶۱﴾ نہیں، بلکہ ان میں سے اکثر لوگ نادان ہیں۔

اَمَّنۡ یُّجِیۡبُ الۡمُضۡطَرَّ اِذَا دَعَاہُ وَ یَکۡشِفُ السُّوۡٓءَ وَ یَجۡعَلُکُمۡ خُلَفَآءَ الۡاَرۡضِ ؕ

کون ہے جو بے قرار کی دُعا سُنتا ہے جبکہ وہ اُسے پکارے اور کون اس کی تکلیف رفع کرتا ہے؟ اور ﴿کون ہے جو﴾ تمہیں زمین کا خلیفہ بناتا ہے؟

ءَ اِلٰہٌ مَّعَ اللّٰہِ ؟ کیا اللہ کے ساتھ کوئی اور خدا بھی ﴿یہ کام کرنے والا﴾ ہے؟

قَلِیۡلًا مَّا تَذَکَّرُوۡنَ ﴿ؕ۶۲﴾ تم لوگ کم ہی سوچتے ہو۔

اَمَّنۡ یَّہۡدِیۡکُمۡ فِیۡ ظُلُمٰتِ الۡبَرِّ وَ الۡبَحۡرِ وَ مَنۡ یُّرۡسِلُ الرِّیٰحَ بُشۡرًۢا بَیۡنَ یَدَیۡ رَحۡمَتِہٖ ؕ

اور وہ کون ہے جو خشکی اور سمندر کی تاریکیوں میں تم کو راستہ دکھاتا ہے اور کون اپنی رحمت کے آگے ہواوٴں کو خوشخبری لے کر بھیجتا ہے؟

ءَ اِلٰہٌ مَّعَ اللّٰہِ ؟ کیا اللہ کے ساتھ کوئی دُوسرا خدا بھی ﴿یہ کام کرتا﴾ ہے؟

تَعٰلَی اللّٰہُ عَمَّا یُشۡرِکُوۡنَ ﴿ؕ۶۳﴾ بہت بالا و برتر ہے اللہ اس شرک سے جو یہ لوگ کرتے ہیں۔

اَمَّنۡ یَّبۡدَؤُا الۡخَلۡقَ ثُمَّ یُعِیۡدُہٗ وَ مَنۡ یَّرۡزُقُکُمۡ مِّنَ السَّمَآءِ وَ الۡاَرۡضِ ؕ

اور وہ کون ہے جو خلق کی ابتدا کرتا ہے اور پھر اس کا اعادہ کرتا ہے؟ اور کون تم کو آسمان اور زمین سے رزق دیتا ہے؟

ءَ اِلٰہٌ مَّعَ اللّٰہِ ؟ کیا اللہ کے ساتھ کوئی اور خدا بھی ﴿ان کاموں میں حصہ دار﴾ ہے؟

قُلۡ ہَاتُوۡا بُرۡہَانَکُمۡ اِنۡ کُنۡتُمۡ صٰدِقِیۡنَ ﴿۶۴﴾ کہو کہ لاوٴ اپنی دلیل اگر تم سچے ہو۔

قُلۡ لَّا یَعۡلَمُ مَنۡ فِی السَّمٰوٰتِ وَ الۡاَرۡضِ الۡغَیۡبَ اِلَّا اللّٰہُ ؕ وَ مَا یَشۡعُرُوۡنَ اَیَّانَ یُبۡعَثُوۡنَ ﴿۶۵﴾

اِن سے کہو، اللہ کے سوا آسمانوں اور زمین میں کوئی غیب کا عِلم نہیں رکھتا ۔ اور وہ نہیں جانتے کہ کب وہ اُٹھائے جائیں گے۔

بَلِ ادّٰرَکَ عِلۡمُہُمۡ فِی الۡاٰخِرَۃِ ۟ بَلۡ ہُمۡ فِیۡ شَکٍّ مِّنۡہَا ۫۟ بَلۡ ہُمۡ مِّنۡہَا عَمُوۡنَ ﴿۶۶﴾

بلکہ آخرت کا تو علم ہی اِن لوگوں سے گُم ہو گیا ہے، بلکہ یہ اس کی طرف سے شک میں ہیں، بلکہ یہ اُس سے اندھے ہیں۔

----------------------------------------------------------------------
(سورۃ النمل: رکوع ۵، آیات 59-66) ترجمہ: سید ابوالاعلی مودودی ؒ

اصحاب کھف کا مکالمہ

" اَمۡ حَسِبۡتَ اَنَّ اَصۡحٰبَ الۡکَہۡفِ وَ الرَّقِیۡمِ ۙ کَانُوۡا مِنۡ اٰیٰتِنَا عَجَبًا ﴿۹﴾ اِذۡ اَوَی الۡفِتۡیَۃُ اِلَی الۡکَہۡفِ فَقَالُوۡا : "

کیا تم سمجھتے ہو کہ غاراور کتبے والے ہماری کوئی بڑی عجیب نشانیوں میں سے تھے؟ جب وہ چند نوجوان غار میں پناہ گزیں ہوئے ۔ اور انہوں نے کہا کہ :

" رَبَّنَاۤ اٰتِنَا مِنۡ لَّدُنۡکَ رَحۡمَۃً وَّ ہَیِّیٔۡ لَنَا مِنۡ اَمۡرِنَا رَشَدًا" ﴿۱۰﴾

” اے پروردگار، ہم کو اپنی رحمتِ خاص سے نوازاور ہمارا معاملہ درُست کردے،“

" فَضَرَبۡنَا عَلٰۤی اٰذَانِہِمۡ فِی الۡکَہۡفِ سِنِیۡنَ عَدَدًا ﴿۱۱﴾ ثُمَّ بَعَثۡنٰہُمۡ لِنَعۡلَمَ اَیُّ الۡحِزۡبَیۡنِ اَحۡصٰی لِمَا لَبِثُوۡۤا اَمَدًا ﴿۱۲﴾ نَحۡنُ نَقُصُّ عَلَیۡکَ نَبَاَہُمۡ بِالۡحَقِّ ؕ اِنَّہُمۡ فِتۡیَۃٌ اٰمَنُوۡا بِرَبِّہِمۡ وَ زِدۡنٰہُمۡ ہُدًی ﴿۱۳﴾ وَّ رَبَطۡنَا عَلٰی قُلُوۡبِہِمۡ اِذۡ قَامُوۡا فَقَالُوۡا :"

تو ہم نے اُنھیں اُسی غار میں تھپک کر سالہا سال کے لیے گہری نیند سُلا دیا ، پھر ہم نے اُنھیں اُٹھایا تاکہ دیکھیں اُن کے دو گروہوں میں سے کون اپنی مُدّتِ قیام کا ٹھیک شمار کرتا ہے۔ ہم اِن کا اصل قصہ تم کو سُناتے ہیں۔ وہ چند نوجوان تھے جو اپنے ربّ پر ایمان لے آئے تھے اورہم نے ان کو ہدایت میں ترقی بخشی تھی۔ ہم نے ان کے دل اُس وقت مضبُوط کر دیے۔ جب وہ اُٹھے اور انہوں نے اعلان کر دیا :

" رَبُّنَا رَبُّ السَّمٰوٰتِ وَ الۡاَرۡضِ لَنۡ نَّدۡعُوَا۠ مِنۡ دُوۡنِہٖۤ اِلٰـہًا لَّقَدۡ قُلۡنَاۤ اِذًا شَطَطًا " ﴿۱۴﴾

" ہٰۤؤُلَآءِ قَوۡمُنَا اتَّخَذُوۡا مِنۡ دُوۡنِہٖۤ اٰلِہَۃً ؕ لَوۡ لَا یَاۡتُوۡنَ عَلَیۡہِمۡ بِسُلۡطٰنٍۭ بَیِّنٍ ؕ فَمَنۡ اَظۡلَمُ مِمَّنِ افۡتَرٰی عَلَی اللّٰہِ کَذِبًا " ﴿ؕ۱۵﴾

"وَ اِذِ اعۡتَزَلۡتُمُوۡہُمۡ وَمَا یَعۡبُدُوۡنَ اِلَّا اللّٰہَ فَاۡ وٗۤا اِلَی الۡکَہۡفِ یَنۡشُرۡ لَکُمۡ رَبُّکُمۡ مِّنۡ رَّحۡمَتِہٖ وَیُہَیِّیٔۡ لَکُمۡ مِّنۡ اَمۡرِکُمۡ مِّرۡفَقًا" ﴿۱۶﴾

قرآنی مکالمات : جن کا ایک مکالمہ

یہ مکالمہ سورۃ الجن میں ہے " الجن" اس سورت کا نام بھی ہے، اس میں جنوں کے قرآن سن کر اپنی قوم میں اسلام کی تبلیغ کرنے کا واقعہ تفصیل کے ساتھ بیان کیا گیا ہے۔ (1)

ارشاد باری تعالی ہے :

بِسْمِ اللّٰهِ الرَّحْمٰنِ الرَّحِيْمِ

قُلۡ اُوۡحِیَ اِلَیَّ اَنَّہُ اسۡتَمَعَ نَفَرٌ مِّنَ الۡجِنِّ فَقَالُوۡۤا :

اے نبی ؐ ، کہو، میری طرف وحی بھیجی گئی ہے کہ جِنّوں کے ایک گروہ نے غور سے سُنا پھر ﴿جا کر اپنی قوم کے لوگوں سے ﴾ کہا:

اِنَّا سَمِعۡنَا قُرۡاٰنًا عَجَبًا ۙ﴿۱﴾ یَّہۡدِیۡۤ اِلَی الرُّشۡدِ فَاٰمَنَّا بِہٖ ؕ وَ لَنۡ نُّشۡرِکَ بِرَبِّنَاۤ اَحَدًا ۙ﴿۲﴾

” ہم نے ایک بڑا ہی عجیب قرآن سُنا ہے جو راہِ راست کی طرف رہنمائی کرتا ہے اِس لیے ہم اُس پر ایمان لے آئے ہیں اور اب ہم ہرگز اپنے ربّ کے ساتھ کسی کو شریک نہیں کریں گے۔“

وَّ اَنَّہٗ تَعٰلٰی جَدُّ رَبِّنَا مَا اتَّخَذَ صَاحِبَۃً وَّ لَا وَلَدًا ۙ﴿۳﴾

اور یہ کہ” ہمارے ربّ کی شان بہت اعلیٰ و ارفع ہے ، اُس نے کسی کو بیوی یا بیٹا نہیں بنایا ہے۔“

وَّ اَنَّہٗ کَانَ یَقُوۡلُ سَفِیۡہُنَا عَلَی اللّٰہِ شَطَطًا ۙ﴿۴﴾

اور یہ کہ” ہمارےنادان لوگ اللہ کے بارے میں بہت خلافِ حق باتیں کہتے رہے ہیں۔“

وَّ اَنَّا ظَنَنَّاۤ اَنۡ لَّنۡ تَقُوۡلَ الۡاِنۡسُ وَ الۡجِنُّ عَلَی اللّٰہِ کَذِبًا ۙ﴿۵﴾

قرآن مجید کا اسلوب - ڈاکٹر ابوالبشر احمد طیب

تاریخ شاہد ہے کہ قرآن مجید سے متعلق مسلمانوں کی خدمات اور جدت طرازیوں کی ایک طویل داستان ہے، کسی نے قرآن مجید کے مفردات پر توجہ دی تو کسی نے قرآن کی کتابت اور رسم الخط پر ، بعض نے قرآن کی قراءات اور مخارج حروف کی درست ادائیگی پر عمر بیتادی، تو کچھ اہل علم نے قرآن کی زبان اور قواعد پر اپنی پوری توجہ صرف کردی اور کچھ لوگوں نے قرآن کے مضامین، معانی اور مطالب کو اہم سمجھا، کسی نے قرآن کے عقلی دلائل پر توجہ دی اور کسی نے اصول دین اور معاصر مسائل کا استنباط کیا، یا کسی نے قرآن کی فصاحت و بلاغت نیز قرآن کے الفاظ کے معانی حقیقی اور مجازی پر نگاہ ڈالی۔ غرض قرآن مجید کے نزول کے بعد علوم و فنون کے ایسے شاہکار سامنے آئیے جس کی مثال سابقہ اقوام میں نہیں ملتی ۔

قرآن کی پہلی وحی ہی علم اور آگاہی سے متعلق تھی، مسلمان علم و حکمت کی اہمیت سے واقف تھے ارشاد باری تعالی ہے :

" وَمَن يُؤْتَ الْحِكْمَةَ فَقَدْ أُوتِيَ خَيْرًا كَثِيرًا ۗ(البقرة : 269)"

( اور جس کو حکمت ملی ، اُسے حقیقت میں بڑی دولت مل گئی۔)

ہمارےعلماء نے قرآن مجید کے اسالیب میں پنہاں خصوصیات کو مختلف ناموں سے بیان کیا ہے ۔ یہاں ان میں سے چند خصوصیات کا جائزہ لیا گیا ہے۔

1- نظم قرآن

اس سے مراد قرآن مجید کے کلمات اور الفاظ، آیات اور سورتوں کی بندش اور قرآن مجید کے مضامین کا باہمی ربط ہے ، جس کے لیے علماء نے" نظم قرآن" کی اصطلاح استعمال کی ہے ۔ نظم کےمعنی موتیوں کو ایک لڑی میں پرودینا ، گویا قرآن مجید کے الفاظ ، فقرے ، آیات اور سورتیں یا مضامین خوبصورت موتیوں کی طرح ایک لڑی میں پروئے ہوئے ہیں ۔ بعض علماء نے آیات اور سورتوں کی ترتیب کیے لیے " نظام " اور " تناسب " کی اصطلاح بھی استعمال کی ہے ، جبکہ الفاظ اورکلمات کی ترتیب کےلیے " نظم " کی اصطلاح استعمال کی ہے۔

قرآن مجید کے الفاظ کے نظم و نسق کا ایک پہلو صوتی ہم آہنگی ہے اس میں الفاظ کو فقرے میں اس طرح جوڑا کیاگیا تا کہ وہ انسانی کلام کی فصاحت و بلاغت کے معیار کے مطابق ہو، اور قاری یا سامع کی سماعت میں خوشگوار تاثر پیدا ہو، اس پہلو سے قرآنی الفاظ کے صوتی ہم آہنگی کس درجہ اعلی ہے؟ وہ کسی مصری قاری کی تلاوت سن کر اندازہ لگا یا جا سکتا ہے ۔ اس کا اعتراف جدید دور کے صوتی نظام کے ماہرین نے بھی کیا ہے انہوں نے جدید آلات کی مدد سے قرآنی الفاظ کی صوتی آہنگ کا جائزہ لیا تو ان کے سامنے قرآن کى صوتی آہنگ کا اعجاز ظاہر ہوا ۔

اسی طرح علماء کے نزدیک قرآن کریم کے تمام مضامین ، معانی اورمطالب میں باہم ربط پا یا جاتا ہے۔ بعض علماء نے قرآن مجید کے اس اسلوب کو ( بلا کسی تشبیہ کے ) غزل مسلسل کی طرح قرار دیا، جس طرح ایک غزل میں ہر شعر بظاہر الگ الگ معلوم ہوتا ہے لیکن غور کرنے سے تمام اشعار میں ایک گہری معنوی مناسبت پائی جاتی ہے ۔ جس کو وحدۃ الموضوع کہا جاتا ہے ۔ ہر شعر یا مختلف مضامین کے مابین ایک ہم آہنگی ہوتی ہے۔

ہر دور میں علماء نے قرآن مجید کی اس اندرونی ساخت ، آیات و سورتوں کی ترتیب اور تناسب کو سمجھنے کی کوشش کی ہے تاکہ یہ دیکھا جائے کہ قرآن مجید کے مضامین کا باہمی تعلق اور ربط کس نوعیت کی ہے ؟ اور اس لے بھی کہ عام قاری جب قرآن مجید کا مطالعہ کرتا ہے تو بظاہر مضامین میں بے ربطی محسوس کرتا ہے یا بہت سارے مضامین ایک طرح کے نظر آتے ہیں یا ایک ہی جگہ یا سورت میں مختلف مضامین یکجا ملتے ہیں ، اگر کسی جگہ توحید کا مضمون ہے تو آخرت کا بھی ہے، کہیں نبی کا تذکرہ ہے تو ساتھ ہی مختلف اقوام پر تبصرہ بھی ، کہیں اخلاقی تعلیمات ہیں تو ساتھ ہی فقہی احکام بھی ، قرآن مجید کے اس طرح کے بنیادی مضامین تقریبا ہر سورت اورہر جگہ موجود ہیں۔

مثلا سورہ فاتحہ کا آغاز توحید کے مضمون سے ہوتا ہے پھر فورا ہی آخرت کا ذکر آجا تا ہے اس کے بعد عبادت اور استعانت کا ذکر ہوا ، پھر صراط مستقیم کی ہدایت کی دعا ہے، ساتھ ہی انعام یافتہ لوگوں اور ضالین کی گمراہی کی طرف اشارہ ۔

غرض یہ تمام مضامین اس ایک سورت میں موجود ہیں ۔ یہی اسلوب یا نظم، پورے قرآن مجید اور ہر سورت میں موجود ہے ۔ مفسرین کو معلوم ہوا کہ اگر اس اندرونی ساخت یعنی نظم و نسق کو نظر انداز کرکے کسی کلمہ یا آیت کی تفسیر اور تشریح کی گئی ہے تو وہ قرآن کے اصل مدعا اور مطلب سے ہٹ جاتا ہے ۔ اس لئے علماء نے قرآن مجید کی اندرونی ساخت، آیات اور سورتوں کی ترتیب اور تناسب کو جاننے کی کوشش کی ہے ۔

اس نظم ونسق کا اعجاز یہ ہے کہ قرآن مجید کے تمام مضامین ہروقت قاری کی نظر میں ہوتےہیں ، دوسرا یہ ہے کہ قرآن مجید کے معانی اور مضامین اس طرح بکھرے ہوئے نہیں ہیں جس طرح دیگر آسمانی کتابوں میں ہیں ۔ بائبل کی کتابوں کو موضوعات کے حساب سے مرتب کیا گیا ہے ۔ سب سے پہلے کتاب پیدائش ، اس میں کائنات کی تخلیق کا ذکر ہے ، اسی طرح سے دیگر کتب کی ترتیب ہے ، اس کا نقصان یہ ہوا کہ جس کو کسی خاص موضوع سے دلچسپی ہے اس کا مطالعہ کر کے باقی دیگر موضوعات کو ہاتھ نہیں لگاتا ، اس لے کروڑوں یہودی اور عیسائی ایسے ہوں گے جنہوں نے بائبل کے ان حصوں میں کوئی دلچسپی نہیں لی جن سے ان کو لگاؤ نہیں تھی ۔ انہوں نے تورات ، زبور، انجیل کا صرف وہی حصہ پڑھا جس کی ان کو ضرورت تھی۔

اگر قرآن مجید کے مضامین بھی اسی ترتیب سے ہوتا مثلا ایک کتاب عقائد ، ایک کتاب قانون ، ایک کتاب اخلاق ، تو قرآن پاک سے مسلمانوں کی دلچسپی کا حشر وہی ہوتا جوتورات اور انجیل کا ہوا ۔ یہی معاملہ دیگر علوم کی کتابوں کے ساتھ بھی ہے ۔ جس کو ادب سے دلچسپی ہے وہ کبھی معاشیات کی کتابوں کو ہاتھ نہیں لگاتا ، اور جس کو فلسفہ سے لگاؤ ہے وہ کبھی دیگر کتابوں سے دلچسپی نہیں لیتا بلکہ فلسفہ کی کتب ہی زیادہ مطالعہ کرتا ہے ۔

نظم قرآن کے بارے میں ہمارے قدیم مفسرین میں امام رازی ؒ کا نام سب سے زیادہ روشن ہے انہوں نے سورتوں اور بعض جگہ آیاتوں کی مناسبت بیان کی ہے، برصغیر میں مولانا اشرف علی تھانوی ؒ نے مختلف سورتوں کے مضامین کے مابین ربط اور ان کی ترتیب میں پنہاں حکمتوں کو بیان کیا ، مولانا حمید الدین فراہی ؒ اور ان کے شاگر مولانا امین احسن اصلاحی ؒ نے ایک خاص نظام دریافت کیا ، پھر اس کی روشنی میں مولانا امین احسن اصلاحی ؒ اپنی تفسیر تدبر قرآن لکھی ہے۔ ان کے علاوہ سید ابوالاعلی مودودی ؒ اور مولانا مفتی شفیع ؒ نے بھی اپنی اپنی تفسیر میں سورتوں اور مضامین قرآن کے مابین مناسبت کی نشان دہی کی ہے ۔

2- خطیبانہ اسلوب

قرآن مجید کا اسلوب خطیبانہ ہے ، یہ قدیم عربی خطابت سے قریب ضرور ہے لیکن اس کی طرح نہیں، بلکہ قرآن مجید کا انداز خطابت کئی لحاظ سے مختلف ہے، قرآن کا جو حصہ نازل ہوتا آپ ﷺ اس کی تلاوت فرماتے اور پھر انہیں خطبات کو تحریری شکل دی جاتی ۔ ایک روایت سے معلوم ہوتا ہے کہ ایک مرتبہ آپ ﷺ تقریر کرنے کھڑے ہوئے تو نزول وحی کا سلسلہ شروع ہوگیا ۔ آپ ﷺ بجائے تقریر کے قرآن مجید کی تلاوت فرمائی ۔ ایک مرتبہ آپ ﷺ حرم شریف میں تھے کفار مکہ جمع تھے اور آپ کے ساتھ استہزاء کر رہے تھے ۔ آپ نے خطاب کا ارادہ فرمایا ہی تھا کہ سورہ نجم نازل ہونی شروع ہوگئی تو اپنی تقریر کے بجائے سورہ نجم کی تلاوت فرمائی ۔

مقرر جب تقریر کرتا ہے تو دوران خطاب بہت سی باتیں سامعین کی عقل اور فہم پر چھوڑ دیتاہے لیکن یہی باتیں جب تحریر میں لائی جاتی ہیں تو اس میں بہت سی باتیں جن کا تعلق براہ راست سامعین سے یا ماحول سے ہوتی ہیں رہ جاتی ہیں اس طرح ایک قاری کے لیے تقریر کو تحریر کی صورت میں سمجھنے میں دقت ہوتی ہے، یا تحریر شدہ تقریرکے سیاق و سباق کو ملانے لیے بعض وضاحت کی ضرورت ہوتی ہے ورنہ قاری تقریرکے مدعا کو سمجھنے میں کچھ کمی محسوس کرےگا، اس لے قرآن مجید کو سمجھنا صحابہ کرام رضی اللہ تعالی عنہم کے لیے کوئی مسئلہ نہیں تھا کیونکہ وہ اس ماحول اور اس دور کے حالات سے براہ راست آشنا تھے لیکن بعد والوں کے لیے قرآن مجید کو سمجھنے میں مشکل پیش آئی۔ اس لیے مفسرین نے قرآن مجید کے خطبات کے تمام اشارات کو پر کرنے کی کوشش کی، اسی فن کو علماء نے تفسیر کا نام دیا، جس کا سلسلہ آج بھی جاری ہے ۔

اس کی ایک مثال یہ ہے ارشاد باری تعالی ہے :

يَا أَيُّهَا الْمُزَّمِّلُ (1) قُمِ اللَّيْلَ إِلَّا قَلِيلًا (2) نِّصْفَهُ أَوِ انقُصْ مِنْهُ قَلِيلًا (3) أَوْ زِدْ عَلَيْهِ وَرَتِّلِ الْقُرْآنَ تَرْتِيلًا (4)
( سورۃ المزمل)

یہاں ہر فقرہ انتہائی مختصر ہے، ان جملوں کا مخاطب آپ ﷺ ہیں ، اس لیے آپ ﷺ کو ہی براہ راست اس خطاب کا علم تھا کہ یہاں کس لفظ کس فقرہ سے کیا مراد ہے؟ پھر بعد کے زمانے میں مفسرین نے اس خطیبانہ کلام کی تفصیلات بیان کی ہے ۔ جس کی مثالیں تفسیر کی کتابوں ميں دیکھی جاسکتی ہیں ۔

3- ایجاز اور جامعیت

قرآن مجید میں مختلف مضامین ہیں، احکام، شرائع، امثال، مواعظ ، تاریخی واقعات، مظاہر کائنات اور مناظر قیامت، اللہ تعالی نے ان تمام باتوں کی وضاحت کےلیے مختلف اسلوب تعبیر اختیار فرمایا، تشبیہ ، تمثیل، انشائیہ ، خبریہ، وغیرہ ۔ لیکن یہ سب اسالیب غیرمعمولی ایجاز اور جامعیت کے حامل ہیں ، یہ ایجاز اگرچہ مدنی سورتوں میں بھی ہے لیکن مکی سورتوں کے ایجاز کی شان ہی اور ہے ۔ بعض جگہ ایک ایک لفظ میں معانی کا سمندر پنہاں ہے ۔ مکی سورتوں کے ایجاز کی ایک مثال یہ ہے۔ ارشاد باری تعالی ہے :

يَا أَيُّهَا الْمُدَّثِّرُ (1) قُمْ فَأَنْذِرْ (2) وَرَبَّكَ فَكَبِّرْ (3) وَثِيَابَكَ فَطَهِّرْ (4) وَالرُّجْزَ فَاهْجُرْ (5) وَلَا تَمْنُنْ تَسْتَكْثِرُ (6) وَلِرَبِّكَ فَاصْبِرْ (7) ( سورۃ المدثر )

اس آیت میں ہر فقرہ ایک ایک لفظ پر مشتمل ہے جیسے : فَأَنْذِرْ ، فَكَبِّرْ ،فَطَهِّرْ، فَاهْجُرْ، تَسْتَكْثِرُ، فَاصْبِرْ۔۔۔۔۔۔ ہر فقرہ الگ الگ ہدایات اور نصیحتوں پر مشتمل ہے، جن کا مخاطب براہ راست آپ ﷺ ہیں، اس لئے مفسرین نے ان الفاظ اور فقروں کی تفسیر آپ ﷺ کی سیرت پاک کی روشنی میں کی ہے، جیسے "المدثر" ایک پورے واقعہ کی طرف اشارہ ہے جب آپ ﷺ پر پہلی بار غار حراء میں جبرائیل ؑ وحی لے کر آئے تھے تو آپ ﷺ کو نبوت کی ذمہ داری کا اتنی شدت سے احساس ہوا کہ آپ اپنی اہلیہ حضرت خدیجہ (رض) کے پاس تشریف لے گئے تو یہ فرمارہے تھے کہ مجھے چادر میں لپیٹ دو، مجھے چادر میں لپیٹ دو، اس خطاب میں يَا أَيُّهَا الْمُدَّثِّرُ سے اس پورے واقعہ کی طرف اشارہ ہے، اس سے قرآن کے اسلوب کی جامعیت کا اندازہ ہوتا ہے ۔

ارشاد باری تعالی ہے :

( وَلَوْ أَنَّمَا فِي الْأَرْضِ مِن شَجَرَةٍ أَقْلَامٌ وَالْبَحْرُ يَمُدُّهُ مِن بَعْدِهِ سَبْعَةُ أَبْحُرٍ مَّا نَفِدَتْ كَلِمَاتُ اللَّهِ ۗ إِنَّ اللَّهَ عَزِيزٌ حَكِيمٌ) ( لقمان : 27)

" زمین میں جتنے درخت ہیں اگر وہ سب کے سب قلم بن جائیں اور سمندر (دوات بن جائے ) جسے سات مزید سمندر روشنائی مہیا کریں تب بھی اللہ کی باتیں (لکھنے سے ) ختم نہ ہوں گی"

4- صداقت اور حقیقت

قرآن نے جو کچھ پیش کیا وہ سب صداقت اور حقیقت پر مبنی ہے، قرآن مجید میں کوئی بات خلاف عقل ، خلاف فطرت ، خلاف تہذیب یا اخلاق نہیں ہے۔

چانچہ آج علم اور ادب کی دنیا میں قرآن مجید سے بڑھ کر کوئی ثقہ تحریر نہیں ہے ۔ یہ ایک متفقہ رائی ہے ، اس بات کے گواہ غیر مسلم سکالر بھی ہیں ۔ اس عظمت اور مقام میں دیگر آسمانی کتب کی کوئی حیثیت نہیں ۔ مغرب کے پاس بائبل کے نام سے آسمانی کتابیں ہیں لیکن وہ جدید مغربی سکالروں کی نظر میں ہمیشہ مشکوک رہی ہیں ۔ قرآن گواہی دیتا ہے کہ

( فَوَيْلٌ لِّلَّذِينَ يَكْتُبُونَ الْكِتَابَ بِأَيْدِيهِمْ ثُمَّ يَقُولُونَ هَٰذَا مِنْ عِندِ اللَّهِ لِيَشْتَرُوا بِهِ ثَمَنًا قَلِيلًا ۖ فَوَيْلٌ لَّهُم مِّمَّا كَتَبَتْ أَيْدِيهِمْ وَوَيْلٌ لَّهُم مِّمَّا يَكْسِبُونَ ( البقرة : 79)

" پس تباہی ہے اُن لوگوں کیلے جو اپنے ہاتھوں سے تحریر لکھ کر ، لوگوں سے کہتے ہیں کہ یہ اللہ کے پاس سے ہے تاکہ اس کے ذریعے سے تھوڑا سا فائدہ حاصل کر لیں ۔ اُن کے ہاتھوں کا یہ لکھا بھی ان کے لیے تباہی کا سامان ہے اور ان کی یہ کمائی بھی ان کے لیے موجبِ ہلاکت ہے۔"

یہی وجہ ہے کہ مسلمانوں کی طویل تاریخ میں اسلام کے نظریات اور خالص علم وادب کے مابین کبھی تعارض پیدا نہیں ہوا، اگرچہ جدید دور میں بعض نام نہاد روشن خیال ادباء اورنقاد کو یہ غلطی فہمی ہوئی کہ دین کا یا دینی نصوص کا ادب اور فن سے کیا تعلق ہے؟ یہ غلط فہمی در اصل مغرب سے منتقل ہوکر آئی ، چند مسلم ادیبوں کے ذہنوں پر سوار ہوگئی، جبکہ تاریخ گواہ ہے کہ سچا ادب اور اور دین کے مابین کبھی تصادم نہیں ہوا۔

بد قسمتی سے انیسویں اور بیسویں صدی میں مغرب کے پاس ادب اور فن کے نام سے ایسے لٹریچر وجود میں آئیے، جن کا حقیقی دنیا کے ساتھ کوئی تعلق نہیں۔ جس طرح ہومر نے اپنے الیڈ کی بنیاد من گھڑت افسانوں پر رکھی ہے اسی طرح جدید افسانہ اور ڈرامہ میں سچے واقعات کی کوئی گنجائش نہیں۔ فکشن کے نام سے بہت سے افسانے اور ڈرامے جھوٹے واقعات پر مبنی ہیں ۔ جبکہ قرآن پاک اس طرح کے فنی خرافات سے پاک ہے۔ ارشاد باری تعالی ہے : (لا یاتیہ الباطل من بین یدیہ و لا من خلفہ )، قرآن نے علمی صداقت اور تاریخی حقائق کو ایسے اسلوب میں پیش کیا ہے جو بجائے خود ایک معجزہ ہے۔

علماء اسلام نے ہر دور میں شعراء اور ادباء کا خیر مقدم کیا ۔ عربی ، فارسی اور اردو زبان کی ہزار سالہ تاریخ گواہ ہیں کہ اس دور کے تمام بڑے بڑے شعراء اور ادباء مسلمان تھے جنہوں نے دینی علوم کے ساتھ ساتھ ادب کی بھی قیادت کی ۔

5- معجزانہ اسلوب

قرآن کے معجزانہ اسلوب کو سب سے پہلے عرب کے ادباء ، خطباء اور ماہرین لغت نے محسوس کیا، اس لیے غلط فہمی سے کبھی قرآن کو جادو کا منتر اور کبھی شاعری کہتے، لیکن ان کو معلوم ہوا کہ قرآن نہ شاعری ہے نہ جادو کا منتر بلکہ قرآن مجید ایک منفرد نوعیت کا کلام ہے، اس کی مثال نہ عرب کی شاعری میں ہے نہ خطابت میں اور نہ عرب کی کہانت اور جادوئی منتر میں، قرآن میں شعر جیسی غنائیت اور موزونیت تو ہے پر وہ شاعری نہیں، قرآن میں خطابت کا زور بیان بھی ہے لیکن وہ عرب خطباء کے کلام سے بالکل مختلف ہے، کلام عرب کی طرح اختصار و جامعیت بھی ہے، لیکن اس میں معانی و مطالب اور معارف و حقائق کی گہرائی بھی ہے ، حکمت و دانائى کی موتیاں بھی ، اس میں دلائل اور براہین کا تنوع اور استدلال اور قوت بیان بھی بدرجہ اتم پائی جاتی ہے۔ ان سب کے ساتھ یہ کلام فصاحت اور بلاغت کے اس اعلی معیار پر فائز ہے جس تک جن و بشر ملکر بھی نہیں پہنچ سکتے۔

ارشاد ہوا :

وَإِن كُنتُمْ فِي رَيْبٍ مِّمَّا نَزَّلْنَا عَلَىٰ عَبْدِنَا فَأْتُوا بِسُورَةٍ مِّن مِّثْلِهِ وَادْعُوا شُهَدَاءَكُم مِّن دُونِ اللَّهِ إِن كُنتُمْ صَادِقِينَ فَإِن لَّمْ تَفْعَلُوا وَلَن تَفْعَلُوا فَاتَّقُوا النَّارَ الَّتِي وَقُودُهَا النَّاسُ وَالْحِجَارَةُ ۖ أُعِدَّتْ لِلْكَافِرِينَ ( البقرة : 23، 24)

ترجمہ : اگر تم قرآن کے بارے میں ذرہ بھی شک میں ہو جو ہم نے اپنے بندے (محمد ﷺ ) پر اتارا ہے تو اس جیسی کوئی ایک سورت ہی بنا لاؤ۔ اور اگر سچے ہو تو اللہ کے سوا اپنے تمام مددگاروں کو بلالو۔ پھر بھی اگر تم یہ کام نہ کرسکو اور یقینا کبھی نہیں کرسکوگے تو ڈرو اس آگ سے جس کا ایندھن انسان اور پتھر ہوں گے وہ کافروں کے لیے تیار کی گئی ہے ۔

اس آیت میں خاص کر عرب کو زبردست چلینج دیا گیا ہے کہ اگر ایسا کلام کوئی انسان بنا سکتا ہے تو تم بڑے فصیح و بلیغ ہو تم سب مل کر قرآن جیسی ایک سورت ہی بنا کر لے آؤ، ساتھ ہی قرآن مجید نے دعوی کیا ہے کہ تم سب مل کر بھی ایسا نہیں کر سکوگے اور واقعہ یہ ہے کہ اہل عرب جو اپنی زبان و ادب پر ناز کرتے تھے ان سب کو اس چلینج کے بعد سانپ سونگھ گیا اور کوئی شخص یہ چلینج قبول کرنے کے لیے آگے نہ بڑھا، بڑے بڑے شاعروں اور ادیبوں اور خطیبوں نے اس خدائی کلام کے آگے گھٹنے ٹیک دیئے اس طرح قرآن کا اعجاز ان پرہمیشہ ہمیشہ کے لیے ثابت ہوگیا ۔

6- قصص، امثال اور واقعات کا قرآنی اسلوب

قرآن مجید کے زیادہ تر حصوں کا تعلق قصص، امثال ونظائر، انسانی جذبات واحساسات اور مناظر قیامت اور احوال آخرت کی تعبیرات سے ہیں اور یہ تقریبا تین چوتھائی ہیں، باقی ایک حصہ میں شرعی احکام اور کچھ تنبیہات ہیں۔ قرآن میں ان تمام موضوعات کی تعبیر کے لیے جو اسلوب اختیار کیا گیا ( بلاتشبیہ و تمثیل صرف وضاحت کے لیے ) جدید ادبی اصطلاحات میں واقعہ نگاری، منظر نگاری، تصویر کشی اور شخصیت نگاری یا خاکہ نگاری سے ملتا ہے ، ہم جب قیامت کے مناظر، واقعات، شخصیات اور دیگر مضامین کو قرآن کے لفظوں اور آیات میں پڑھتے ہیں تو وہ نہ صرف ذہنوں میں نقش ہوتے ہیں بلکہ مجسم اور منقش ہوکر تصور کی نگاہوں کے سامنے نمایاں ہوجاتے ہیں ۔ قرآن میں اللہ تعالی نے الفاظ کے ذریعے جو تصویر کھینچی ہے رنگ ، سیاہی اور جدید کیمرے بھی اس سے عاجز ہے ، سید قطب شہید کے مطابق قرآن کےانداز بیان اور تعبیر کی اصل اساس ہی تصویر کشی اور منظر نگاری ہے ان کے مطابق اس اسلوب کو قرآن کے اکثر مضامین کے بیان میں ملحوظ رکھا گیا ہے ۔ صرف تشریعی احکام کا موضوع اس سے خارج ہے ۔

قرآن کریم کے اسلوب کا ایک امتیاز یہ ہے کہ الفاظ ، معانی اور مطالب کی ذہنی اور متخیلہ صورت کو مجسم اور متحرک صورت میں پیش کیا گیا ہے ، تخیل سے مراد وہ معانی جو انسانی وجدان میں پوشیدہ ہیں، قرآن نے ان معانی کی مجسم منظر کشی کی ہے ، ان کے ذریعے تخیل کو حرکت میں لا یاگیا تاکہ متخیلہ صورت ان مناظر اور حرکات سے مشابہ ہوجائے جو خارج کی زندگی میں رنگ اور صورت میں موجود ہے ۔ اگر قرآن ماضی کا کوئی واقعہ بیان کرتا ہے تو قاری یوں محسوس کرتا ہے کہ گویا وہ واقعہ اس کے سامنے وقوع پذیر ہے اس کا اندازہ جدید دور کی فلم بینی سے کيا جا سکتا ہے۔ اس کی ایک مثال درج ذیل آیت ہے ۔ ارشاد باری تعالی ہے:

إِنَّ شَرَّ الدَّوَابِّ عِنْدَ اللَّهِ الصُّمُّ الْبُكْمُ الَّذِينَ لا يَعْقِلُونَ (الانفال: ٢٢)

کچھ شک نہیں کہ اللہ کے نزدیک تمام جانداروں سے بدتروہ ہے جو بہرے، گونگے ہیں، جو کچھ نہیں سمجھتے۔

عربی زبان میں " الدواب" کا لفظ عموما حیوانات کے لے استعمال ہوتا ہے لیکن اس میں انسان بھی شامل ہے اس لحاظ سے " دابۃ" کے معنی ہیں زمین پر چلنے والا اور انسان بھی زمین پر چلتا ہے اس لیے اس کو بھی دابۃ کہ دیتے ہیں۔ لیکن اس لفظ کو انسان کے لیے استعمال نہیں کیا جاتا بلکہ عموما حیوانات کے لیے استعمال کیا جاتا ہے۔ مذکورہ آیت میں انسان کے لیے "دابۃ" کا لفظ استعمال کرنا پھر اس کو گونگے بہرے کہ کر اس کی حیوانی حالت کو نمایاں کرنا جس کی وجہ سے وہ قبول ہدایت سے محروم ہے۔ ہم محسوس کر سکتے ہیں کہ اس طرح ایک حیوان نما انسان کی تصویر نمایا ہوکر ہماری نگاہ میں آجا تی ہے اور ساتھ ہی "لایعقلون" (وہ عقل سے کام نہیں لیتے ) کے اضافہ سے " حیوانی صفات کی مزید وضاحت ہوگئی۔ اس طرح لغوی اور معنوی اعتبار سے قاری اور قرآن مجید کے الفاظ ، معانی اور متخیلہ صورت کے درمیان ایسی مطابقت ہوجاتی ہے جس طرح جدید اصطلاح کے مطابق ( بلاتشبیہ و تمثیل ) ایک فلم اور فلم بین کے مابین ہوتی ہے، یہ قرآن کے اسلوب بیان کا معجزانہ کمال ہے قرآن کے سوا کسی کلام میں اس جیسی خوبیاں ہمیں نہیں مل سکتی ۔

قرآن مجید کا ایک اسلوب منظرنگاری ہے، مختلف مناظر کو عام زندگی سے قریب تر کر کے پیش کیا ہے ، قرآن نے اپنے معانی کو متحرک لفظوں کی مدد سے ایسی تصویر کشی کی کہ ان مناظر میں ایک طرح کی زندگی پیدا کردی ہے ، مثلا قیامت کے ہولناک مناظر کی تصویر کشی کی ہے۔ ارشاد باری تعالی ہے:

"یَوۡمَ تَرۡجُفُ الۡاَرۡضُ وَ الۡجِبَالُ وَ کَانَتِ الۡجِبَالُ کَثِیۡبًا مَّہِیۡلًا " ( المزمل : 14)

جس دن زمین اور پہاڑ کا نپنے لگیں اور پہاڑ ریت کے ٹیلے ہوجائیں گے ۔

دوسری جگہ ارشاد ہوا :

" فَکَیۡفَ تَتَّقُوۡنَ اِنۡ کَفَرۡتُمۡ یَوۡمًا یَّجۡعَلُ الۡوِلۡدَانَ شِیۡبَۨا السَّمَآءُ مُنۡفَطِرٌۢ بِہٖ ؕ " ( المزمل :17)

تو اس دن س تم کیونکر بچوگے جو بچوں کو بوڑھا کر دے گا اور جس سے آسمان پھٹ جائے گا ۔

قرآن کی تلاوت کے وقت ہمیں یوں محسوس ہوتا ہے کہ اس کائنات کی ہرچیز زندہ اور متحرک ہے درخت، انسان ، حیوان ، پہاڑ ، جنگل ، سمندر، بادل ، زمین، آسمان ، چاند، سورج، ستارے گویا ہر چیز زندہ مناظر ہے کائنات میں کوئی چیز مردہ اور بے جان اور ساکت نہیں ۔ جیسے " یسبح لہ ما فی السموات والارض" کے مطابق کائنات میں ہر سو، ہر چگہ، ہر لمحہ اس کےمظاہر کی تسبیحات گونج رہی ہیں۔ جیسے ایک جگہ صبح کا منظر قرآن میں ملتا ہےگویا ایک جاندار کی طرح سانس لیتا محسوس ہوتا ہے ، ارشاد باری تعالی ہے :

والصُّبْحِ اِذَا تَنَفَّسْ (التکویر)  اور صبح کی قسم جب وہ سانس لیتی ہے !

اسی طرح قرآن کی زبان میں رات بھی ایک جاندار کی طرح چلنے لگتی ہے۔

،واللَّیْلِ اِذَا یَسْر (الفجر : 4 )  قرآن کے نزدیک دن تیزی سے بھاگ کر رات کو تلاش کر تا ہے ۔

یُغۡشِی الَّیۡلَ النَّہَارَ یَطۡلُبُہٗ حَثِیۡثًا ۙ (الاعراف : 54)  "وہی رات کو دن کا لباس پہناتا ہے کہ وہ اس کے پیچھے دوڑتا چلا آتا ہے "

یہ چند مثالیں ہیں، اس طرح کی مثالیں قرآن کی ہر سورت اور ہر جگہ موجود ہیں ۔

----------------------------------------------

مصادر و مراجع :

1- مولانا سید ابوالاعلی مودی ؒ کا مقدمہ جو تفہیم القرآن جلد اول میں ہے۔

2- مولا حمید الدین فراہی کے مختلف عربی مضامین جو اردو ترجمہ اور تشریح کے ساتھ ان کے شاگرد مولانا امیں احسن اصلاحی اور جاوید احمد غامدی نے شائع کیے ہیں۔

3- سید قطب شہید کی کتاب "التصویر الفنی فی القرآن" جس کا اردو ترجمہ پروفیسر غلام احمد حریری نے" قرآن مجید کے فنی محاسن" کے نام سے کیا ہے ۔

کائنات میں انسان کا مقام - ابوالبشر احمد طیب

کائنات میں انسان کا مقام

انسان کے لیے یہ سوالات ہمیشہ انتہائی اہم رہے ہیں کہ اس وسیع کائنات میں اس کا مقام اور مرتبہ کیا ہے اور اس کے لیے دنیا میں زندگی گزار نے کا صحیح رویہ کیا ہے ۔ اس پر ہر زمانہ میں دانشوروں اور فلسفیوں نے مختلف جوابات دیے ہیں ۔ اس بارے میں ہمیں قرآن مجید سے بھی رہنمائی ملتی ہے ۔

جہاں تک فلسفیوں کا تعلق ہے تو سقراط سے پہلے دو مکتب فکر نمایا ں ہیں ۔ ان میں ایک کا نقطہ نظر یہ ہے کہ اس کائنات میں انسان دیگر حیوانات کی طرح کی ایک مخلوق ہے ، جو انجام ان حیوانات کا ہے وہی انجام اس کا بھی ہے ۔

دوسرا مکتبہ فکر سو فسطائیوں کا ہے جن کا نقطہ نظر یہ ہے کہ انسان کائنات کا محور اور مرکز ہے یہی اس کائنات میں گل سرسبد کی حیثیت رکھتا ہے ۔ اس کے اندر جو صلاحیتیں اور قوتیں پوشیدہ ہیں ان سے معلوم ہوتا ہے کہ قدرت نے اس کوبڑا مقام اور مرتبہ دیا ہے ۔ وہ انسان میں ایک عقل یزدانی (Divine Reason) کے وجود کے قائل ہیں ۔ جہاں تک سقراط کا تعلق ہے تو تمام فلسفیوں میں اس کا مقام اونچا ہے اس کا مشہور کلمہ کہ " اے انسان تو اپنے آپ کو پہنچان " ایتھنز کے معبد ڈلفی پر منقش ہے ۔ سقراط نے سب سے پہلے توجہ دلائی کہ دیگر مخلوقات سے اہم خود انسان ہے وہ خود اپنے کو پہنچانے کہ وہ کیا ہے اور قدرت نے اس کو کس مقصد کے لیے پیدا کیا ہے ؟ اس سے معلوم ہوا کہ سقراط کے ہاں انسان کو ہی اصل اہمیت حاصل ہے ، دوسری چیزوں کی حیثیت اس کے ہاں ثانوی تھی ۔ اس کے شاگر افلاطوں نے اسی فکر کو آگے بڑھایا ۔ اس کو زندگی کے مختلف شعبوں : اخلاقیات ، سیاسیات ، نفسیات اور اجتماعیات وغیرہ میں اطلاق کرنے کی کوشش کی ۔ اس کے نزدیک انسان حیوان نہیں اگرچہ اس کی پیدائش حیوان کے طریقہ پر ہوئی ہے ۔ انسان کے اندر ایک روح بھی ہے جو ملکوتی عقل کا حصہ ہے ۔ جس کے ذریعے انسان اس کائنات کے ابدی کلیات کو معلوم کر سکتا ہے ۔ انسان کا ایک جسم بھی ہے وہ اس ملکوتی عقل پر کمنڈ ڈالنے کی کوشش کرتا ہے لیکن انسان کا کام یہ ہے کہ وہ اس پر قابو پائے اور اس کمنڈ کو توڑ کر مادی جسم سے بلند ہوکر غور و فکر کرے ۔

خدا کی ذات و صفات کی معرفت

مذہب اور فلسفہ دونوں اپنے اصل مقصد کے لحاظ سے زندگی کی رہنمائی کے لیے وجود میں آئے ہیں ۔ اس لحاظ سے ان دونوں میں کوئی فرق نہیں ۔ فرق صرف یہ ہے کہ فلسفہ عقل پر اعتماد کرتا ہے جبکہ مذہب وحی الہی سے رہنمائی لیتا ہے ۔ بعض لوگوں میں یہ غلط فہمی عام ہے کہ مذہب کا عقل سے کوئی تعلق نہیں اس غلط فہمی کے ازالہ کے لیے ضروری ہے کہ زندگی اور کائنات کے متعلق قرآن مجید اور فلسفہ کے بنیادی مسائل کا تقابلی مطالعہ کیا جائے درج ذیل مضمون اسی مقصد لیے لیے ترتیب دیا گیا اس کے لیے ہم نے مولانا امین احسن اصلاحی کی کتاب " فلسفے کے بنیادی مسائل قرآن حکیم کی روشنی میں " سے استفادہ کیا ۔

ابتدائی دور کے یونانی فلسفیوں نے زندگی اور کائنات کی مختلف طریقوں سے توجیہ کی ہے بعض یونانی فلسفیوں جیسے تھیلیز(624 ق م - 554ق م ) انیکسی مانڈر (610 ق م - 546ق م) کا کہنا ہے کہ کائنات کو کسی دیوی یا دیوتا نے پیدا نہیں کیا ، چھٹی صدی قبل مسیح کے فلسفی شاعر زینو فینسز(Zenophanes) نے دیوتاؤں پر سخت تنقید کی اس کا کہنا ہے کہ لوگوں نے اپنی شکلوں پر دیوتاؤں کو بنایا ہے جبکہ خدا ہر لحاظ سے انسان سے مختلف ہے خدا ایک وحدت ہے جس کی ابتدا ہے نہ انتہا ۔۔اس کے نزدیک خدا ہی کائنات ہے ۔ عظیم فلسفی سقراط (470 ق م - 399 ق م) نے خدا کی وحدانیت کا تصور دیا اس جرم میں اس کو زہر کا پیالہ پینا پڑا ۔ افلاطون (428 ق م -347 ق م) کا کہنا ہے کہ خدانے تمام کائنات کو پید ا کیا اور انسان میں اپنی روح پھونکی ۔ البتہ ان تمام فلسفیوں میں ارسطو (384 ق م – 322 ق م ) خد ا کی وحدانیت پر پختہ یقین رکھتاتھا ، اس کے نزدیک خدا کائنات کا خالق ہے، وہی محرک اول ہے ، کائنات کو چلانے والا بھی وہی ہے ۔ اسی طرح رواقی فلسفی خدا کی وحدانیت کے شدت سے قائل ہیں ، ان کا کہنا ہے کہ خدا نے ہر چیز پیدا کی ہے ، برائی پر سزا اور نیکی پر جزا دیتا ہے ، رواقیوں کا فلسفہ وحدت الوجود کے تصور پر مبنی ہے۔

جدید لسانیات اور فہم قرآن - ابوالبشر احمد طیب

فہم قرآن کے لیے لسانیاتِ قرآن کا مطالعہ بہت اہم بھی ہے اور نازک بھی ، دور حاضر میں جدید لسانیات نے " نص " ( متن) کے مطالعہ سے متعلق بہت سے گوشے سامنے لائے ہیں ۔

مغربی ماہرین لسانیات و ادبیات سے ہمارے شعراء و ادباء کی طرح ہمارے کچھ مفسرین بھی متاثر ہوئے ، انہوں نے انہیں کے وضع کردہ اصول و ضوابط کی روشنی میں قرآنی لسانیات و ادبیات کو حل کرنے کی کوشش کی ہے، اس فہرست میں بر صغیر کا مشہور نام غلام احمد پرویز ہے ، انہوں نے صرف عربی لغت کے ذریعہ قرآن کے معانی و مطالب بیان کرنے کی ناکام کو شش کی تھی، اسی طرح مکتبہ فراہی کے کچھ طالب علموں نے لسانیات کے جدید نظریات " ساختیات" اور "پس ساختیات" کو لسانیات قرآن پر اطلاق کرنے کو شش کی ہے۔

درحقیقت ،انیسویں اور بیسویں صدی میں مغرب میں وسیع پیمانہ پر لسانیات پر تحقیق ہوئی ان میں سے بعض ماہرین نے جدید اصول لسانیات کی روشنی میں انجیل اور دیگر قدیم مذہبی کتب کے متن کا مطالعہ کیاتھا ، ان کے طریقہ کار کو بعض مسلم علماء نے قرآن پر اطلاق کرنے کی کوشش کی تھی ، بر صغیر میں مولانا حمید الدین فراہی ؒ انہیں علماء میں سے ایک ہے، وہ جدید لسانیات و ادبیات سے متاثر تھے ، انہوں نے جدید لسانیات پر مصری علماء کی کتب کا مطالعہ کیا تھا ، جو فرانسیسی انگریزی اور جرمن زبان سے ترجمہ ہوکر عربی میں منتقل ہوئی تھیں۔

خاکسار عربی زبان وادب کا ایک ادنی طالب علم کی حیثیت سے یہ جانتا ہے کہ ہر زبان کا ایک خاص مزاج اور اسلوب ہے اور قرآن عربی " مبین " میں ہے ، اس کا خیال رکھے بغیر قرآنی متن کا مطالعہ ایک فعل عبث ہے ۔ اور یہ بھی ہے کہ قرآن کا متن ایک منفرد اور مقدس حیثیت رکھتا ہے اس کو انسانی کلام اور اس کی خصوصیات کی روشنی میں مطالعہ کرنا درست نہیں۔

قرآنی متن کے مطالعہ کے لیے ہمارے آئمہ کرام نے اہم اصول و ضوابط وضع کردئے ہیں ان کو بھی نظر میں رکھنا لازمی ہے ۔ ان کو نظر انداز کرکے صرف جدید لسانیات کی روشنی میں قرآنی متن کا مطالعہ خطرے سے خالی نہیں، اس سے قرآن کے تقدس اور اس کی صداقت پر بھی سوال پیدا ہوسکتا ہے۔

اس اہم مسئلہ کے بارے میں ہمارے علماء کرام اور ماہرین قرآن کو تحقیق کرنا چاہیئے کہ مغربی لسانیات و ادبیات کے ماہرین کے وضع کردہ اصول و ضوابط کی روشنی میں قرآن کے متن کا تجزیہ اور اس کی تفہیم و تشریح کس حد تک درست ہے ؟

سورۃ الفیل میں فعل " تَرمِیھم " کا فاعل ؟

مولانا مودودی ؒ نے سورۃ الفیل کی آیت " تَرْمِيْهِمْ بِحِـجَارَةٍ مِّنْ سِجِّيْلٍ " میں فعل "ترمیھم" کا فاعل ابابیل قرار دیا جبکہ مولانا حمید الدین فراہی ؒ کی تاویل میں اس کا فاعل قریش ہے ابابیل نہیں، انہوں نے اس کے حق میں عقلی دلائل دیئے۔

مولانا حمیدالدین فراہی کے شاگر مولانا امین احسن اصلاحیؒ نے اپنے استاد کے حق میں تفصیل سے ان دلائل کو بیان کیا ہے، ان کے نزیک بھی ترمیھم کا فاعل قریش ہے ، ان کے دلائل کا خلاصہ یہ ہے :

وہ لکھتے ہیں اگرچہ اس قو ل پر تمام مفسرین متفق ہیں لیکن گوناگوں وجوہ سے یہ بالکل غلط ہے :

١۔ اس میں شبہ نہیں کہ اس موقع پر قریش پہاڑوں میں چلے گئے تھے۔ لیکن اس کے یہ معنی نہیں ہیں کہ وہ مدافعت سے کلیۃً دست بردار ہو کر پہاڑوں میں جا چھپے تھے، بلکہ ابرہہ کی عظیم فوج کے مقابل میں مدافعت کی واحد ممکن شکل جو وہ اختیار کرسکتے تھے یہی تھی اس وجہ سے انہوں نے یہی اختیار کی اور اللہ تعالیٰ نے اپنی سنت کے مطابق کہ بندہ جب اپنے امکان کے حد تک اپنا فرض ادا کرنے کی کوشش کرتا ہے تو وہ اس کی مدد فرماتا ہے، اس نے قریش کی مدد فرمائی ۔

سورة الرحمن

سورہ رحمن کا اسلوب باکل منفرد ہے اس میں کائنات کے اہم مظاہر کا مشاہدہ کرواگیا ہے ، ہر مظاہر کے ذکر کے بعد انسان اور جنون سے سوال کیا گیا کہ تم اپنے رب کی کن کن نعمتوں کو جھٹلاؤ گے ؟ 31 مرتبہ یہ سوال دہرا گیا اس طرح سورت میں ایک خوبصورت اہنگ اور سر قاری کی دلچسپی میں اضافہ کرتا ہے اور ذہن کو بھی بیدار رکھتا ہے ۔

پوری سورت میں کائنات کے مختلف مظاہر کو بطور شہادت بیش فرماکر انسان اور جنوں کو چلینج دیا گیا کہ تم اپنے رب کی کن کن چیزوں کا انکار کر وگے؟ پھر انسان اور جنوں کو آگاہ کیا گیا ایک زبدست چلینج درج ذیل الفاظ میں دیا گیا ارشاد ہوا:

سَنَفْرُغُ لَكُمْ أَيُّهَ الثَّقَلَانِ ﴿٣١﴾ فَبِأَيِّ آلَاءِ رَبِّكُمَا تُكَذِّبَانِ ﴿٣٢﴾يَا مَعْشَرَ الْجِنِّ وَالْإِنسِ إِنِ اسْتَطَعْتُمْ أَن تَنفُذُوا مِنْ أَقْطَارِ السَّمَاوَاتِ وَالْأَرْضِ فَانفُذُوا ۚ لَا تَنفُذُونَ إِلَّا بِسُلْطَانٍ ﴿٣٣﴾ فَبِأَيِّ آلَاءِ رَبِّكُمَا تُكَذِّبَانِ ﴿٣٤﴾ يُرْسَلُ عَلَيْكُمَا شُوَاظٌ مِّن نَّارٍ وَنُحَاسٌ فَلَا تَنتَصِرَانِ ﴿٣٥﴾ فَبِأَيِّ آلَاءِ رَبِّكُمَا تُكَذِّبَانِ ﴿٣٦﴾

اس کا آغاز ایک منفرد انداز سے ہوتا ہے ، الرحمن، اللہ کی صفت سے جملہ خبریہ میں بطور مبتدا اس کا آغاز ہوتا ہے قاری اس سے آگاہ ہوکر خبروں کے لیے منتظر ہوتا ہے اس کے بعد فورا مختلف خبروں کا ذکر آتا ہے اس کا اختتام بھی صفت باری تعالی پر ہوتا ہے ۔ اس کی آیات میں قافیہ بندی بھی ہے ۔

یہ سورۃ قاری عبد الباسط کی تلاوت اور عربی متن اور اردو ترجمہ کے ساتھ ایک ترتیب اور نظم کے ساتھ قاری کے لیے پیش کی جاتی ہے ۔

بِسْمِ اللَّـهِ الرَّحْمَـٰنِ الرَّحِيمِ

الرَّحْمَـٰنُ ﴿١﴾ عَلَّمَ الْقُرْآنَ ﴿٢﴾ خَلَقَ الْإِنسَانَ ﴿٣﴾ عَلَّمَهُ الْبَيَانَ ﴿٤﴾

الشَّمْسُ وَالْقَمَرُ بِحُسْبَانٍ ﴿٥﴾ وَالنَّجْمُ وَالشَّجَرُ يَسْجُدَانِ ﴿٦﴾ وَالسَّمَاءَ رَفَعَهَا وَوَضَعَ الْمِيزَانَ ﴿٧﴾

أَلَّا تَطْغَوْا فِي الْمِيزَانِ ﴿٨﴾ وَأَقِيمُوا الْوَزْنَ بِالْقِسْطِ وَلَا تُخْسِرُوا الْمِيزَانَ ﴿٩﴾

وَالْأَرْضَ وَضَعَهَا لِلْأَنَامِ ﴿١٠﴾ فِيهَا فَاكِهَةٌ وَالنَّخْلُ ذَاتُ الْأَكْمَامِ ﴿١١﴾ وَالْحَبُّ ذُو الْعَصْفِ وَالرَّيْحَانُ ﴿١٢﴾

فَبِأَيِّ آلَاءِ رَبِّكُمَا تُكَذِّبَانِ ﴿١٣﴾

خَلَقَ الْإِنسَانَ مِن صَلْصَالٍ كَالْفَخَّارِ ﴿١٤﴾ وَخَلَقَ الْجَانَّ مِن مَّارِجٍ مِّن نَّارٍ ﴿١٥﴾

فَبِأَيِّ آلَاءِ رَبِّكُمَا تُكَذِّبَانِ ﴿١٦﴾

رَبُّ الْمَشْرِقَيْنِ وَرَبُّ الْمَغْرِبَيْنِ ﴿١٧﴾

فَبِأَيِّ آلَاءِ رَبِّكُمَا تُكَذِّبَانِ ﴿١٨﴾

مَرَجَ الْبَحْرَيْنِ يَلْتَقِيَانِ ﴿١٩﴾ بَيْنَهُمَا بَرْزَخٌ لَّا يَبْغِيَانِ ﴿٢٠﴾

فَبِأَيِّ آلَاءِ رَبِّكُمَا تُكَذِّبَانِ ﴿٢١﴾

يَخْرُجُ مِنْهُمَا اللُّؤْلُؤُ وَالْمَرْجَانُ ﴿٢٢﴾

فَبِأَيِّ آلَاءِ رَبِّكُمَا تُكَذِّبَانِ ﴿٢٣﴾

وَلَهُ الْجَوَارِ الْمُنشَآتُ فِي الْبَحْرِ كَالْأَعْلَامِ ﴿٢٤﴾

فَبِأَيِّ آلَاءِ رَبِّكُمَا تُكَذِّبَانِ ﴿٢٥﴾

كُلُّ مَنْ عَلَيْهَا فَانٍ ﴿٢٦﴾ وَيَبْقَىٰ وَجْهُ رَبِّكَ ذُو الْجَلَالِ وَالْإِكْرَامِ ﴿٢٧﴾

فَبِأَيِّ آلَاءِ رَبِّكُمَا تُكَذِّبَانِ ﴿٢٨﴾

يَسْأَلُهُ مَن فِي السَّمَاوَاتِ وَالْأَرْضِ ۚ كُلَّ يَوْمٍ هُوَ فِي شَأْنٍ ﴿٢٩﴾

فَبِأَيِّ آلَاءِ رَبِّكُمَا تُكَذِّبَانِ ﴿٣٠﴾

سَنَفْرُغُ لَكُمْ أَيُّهَ الثَّقَلَانِ ﴿٣١﴾

فَبِأَيِّ آلَاءِ رَبِّكُمَا تُكَذِّبَانِ ﴿٣٢﴾

يَا مَعْشَرَ الْجِنِّ وَالْإِنسِ إِنِ اسْتَطَعْتُمْ أَن تَنفُذُوا مِنْ أَقْطَارِ السَّمَاوَاتِ وَالْأَرْضِ فَانفُذُوا ۚ لَا تَنفُذُونَ إِلَّا بِسُلْطَانٍ ﴿٣٣﴾

فَبِأَيِّ آلَاءِ رَبِّكُمَا تُكَذِّبَانِ ﴿٣٤﴾

يُرْسَلُ عَلَيْكُمَا شُوَاظٌ مِّن نَّارٍ وَنُحَاسٌ فَلَا تَنتَصِرَانِ ﴿٣٥﴾

فَبِأَيِّ آلَاءِ رَبِّكُمَا تُكَذِّبَانِ ﴿٣٦﴾

فَإِذَا انشَقَّتِ السَّمَاءُ فَكَانَتْ وَرْدَةً كَالدِّهَانِ ﴿٣٧﴾

فَبِأَيِّ آلَاءِ رَبِّكُمَا تُكَذِّبَانِ ﴿٣٨﴾

فَيَوْمَئِذٍ لَّا يُسْأَلُ عَن ذَنبِهِ إِنسٌ وَلَا جَانٌّ ﴿٣٩﴾

فَبِأَيِّ آلَاءِ رَبِّكُمَا تُكَذِّبَانِ ﴿٤٠﴾

يُعْرَفُ الْمُجْرِمُونَ بِسِيمَاهُمْ فَيُؤْخَذُ بِالنَّوَاصِي وَالْأَقْدَامِ ﴿٤١﴾

فَبِأَيِّ آلَاءِ رَبِّكُمَا تُكَذِّبَانِ ﴿٤٢﴾

هَـٰذِهِ جَهَنَّمُ الَّتِي يُكَذِّبُ بِهَا الْمُجْرِمُونَ ﴿٤٣﴾ يَطُوفُونَ بَيْنَهَا وَبَيْنَ حَمِيمٍ آنٍ ﴿٤٤﴾

فَبِأَيِّ آلَاءِ رَبِّكُمَا تُكَذِّبَانِ ﴿٤٥﴾

وَلِمَنْ خَافَ مَقَامَ رَبِّهِ جَنَّتَانِ ﴿٤٦﴾

فَبِأَيِّ آلَاءِ رَبِّكُمَا تُكَذِّبَانِ ﴿٤٧﴾

ذَوَاتَا أَفْنَانٍ ﴿٤٨﴾

فَبِأَيِّ آلَاءِ رَبِّكُمَا تُكَذِّبَانِ ﴿٤٩﴾

فِيهِمَا عَيْنَانِ تَجْرِيَانِ ﴿٥٠﴾

فَبِأَيِّ آلَاءِ رَبِّكُمَا تُكَذِّبَانِ ﴿٥١﴾

فِيهِمَا مِن كُلِّ فَاكِهَةٍ زَوْجَانِ ﴿٥٢﴾

فَبِأَيِّ آلَاءِ رَبِّكُمَا تُكَذِّبَانِ ﴿٥٣﴾

مُتَّكِئِينَ عَلَىٰ فُرُشٍ بَطَائِنُهَا مِنْ إِسْتَبْرَقٍ ۚ وَجَنَى الْجَنَّتَيْنِ دَانٍ ﴿٥٤﴾

فَبِأَيِّ آلَاءِ رَبِّكُمَا تُكَذِّبَانِ ﴿٥٥﴾

فِيهِنَّ قَاصِرَاتُ الطَّرْفِ لَمْ يَطْمِثْهُنَّ إِنسٌ قَبْلَهُمْ وَلَا جَانٌّ ﴿٥٦﴾

فَبِأَيِّ آلَاءِ رَبِّكُمَا تُكَذِّبَانِ ﴿٥٧﴾

كَأَنَّهُنَّ الْيَاقُوتُ وَالْمَرْجَانُ ﴿٥٨﴾

فَبِأَيِّ آلَاءِ رَبِّكُمَا تُكَذِّبَانِ ﴿٥٩﴾

هَلْ جَزَاءُ الْإِحْسَانِ إِلَّا الْإِحْسَانُ ﴿٦٠﴾

فَبِأَيِّ آلَاءِ رَبِّكُمَا تُكَذِّبَانِ ﴿٦١﴾

وَمِن دُونِهِمَا جَنَّتَانِ ﴿٦٢﴾

فَبِأَيِّ آلَاءِ رَبِّكُمَا تُكَذِّبَانِ ﴿٦٣﴾

مُدْهَامَّتَانِ ﴿٦٤﴾

فَبِأَيِّ آلَاءِ رَبِّكُمَا تُكَذِّبَانِ ﴿٦٥﴾

فِيهِمَا عَيْنَانِ نَضَّاخَتَانِ ﴿٦٦﴾

فَبِأَيِّ آلَاءِ رَبِّكُمَا تُكَذِّبَانِ ﴿٦٧﴾

فِيهِمَا فَاكِهَةٌ وَنَخْلٌ وَرُمَّانٌ ﴿٦٨﴾

فَبِأَيِّ آلَاءِ رَبِّكُمَا تُكَذِّبَانِ ﴿٦٩﴾

فِيهِنَّ خَيْرَاتٌ حِسَانٌ ﴿٧٠﴾

فَبِأَيِّ آلَاءِ رَبِّكُمَا تُكَذِّبَانِ ﴿٧١﴾

حُورٌ مَّقْصُورَاتٌ فِي الْخِيَامِ ﴿٧٢﴾

فَبِأَيِّ آلَاءِ رَبِّكُمَا تُكَذِّبَانِ ﴿٧٣﴾

لَمْ يَطْمِثْهُنَّ إِنسٌ قَبْلَهُمْ وَلَا جَانٌّ ﴿٧٤﴾

فَبِأَيِّ آلَاءِ رَبِّكُمَا تُكَذِّبَانِ ﴿٧٥﴾

مُتَّكِئِينَ عَلَىٰ رَفْرَفٍ خُضْرٍ وَعَبْقَرِيٍّ حِسَانٍ ﴿٧٦﴾

فَبِأَيِّ آلَاءِ رَبِّكُمَا تُكَذِّبَانِ ﴿٧٧﴾

تَبَارَكَ اسْمُ رَبِّكَ ذِي الْجَلَالِ وَالْإِكْرَامِ ﴿٧٨﴾

-------------------

اردو ترجمہ : از سید ابوالاعلی مودودی ؒ

اللہ کے نام سے جو رحمان و رحیم ہے۔

رحمن نے اس قرآن کی تعلیم دی ہے ۔ اسی نے انسان کو پیدا کیا اور اسے بولنا سکھا یا ۔

سورج اور چاند ایک حساب کے پابند ہیں اور تارے درخت سب سجدہ ریز ہیں ۔ آسمان کو اس نے بلند کیا اور میزان قائم کر دی۔ اس کا تقاضا یہ ہے کہ تم میزان میں خلل نہ ڈالو، انصاف کے ساتھ ٹھیک ٹھیک تو لو اور ترازو میں ڈنڈی نہ مارو ۔

زمین کو اس نے سب مخلوقات کے لیۓ بنایا اس میں ہر طرح کے بکثرت لذیذ پھل ہیں ۔ کھجور کے درخت ہیں جن کے پھل غلافوں میں لپٹے ہوۓ ہیں ۔ طرح طرح کے غلے ہیں جن میں بھوسا بھی ہوتا ہے اور دانہ بھی ۔

پس اے جن و انس ، تم اپنے رب کی کن کن نعمتوں کو جھٹلاؤ گے ؟

انسان کو اس نے ٹھیکری جیسے سوکھے سڑے ہوۓ گارے سے بنا یا اور جن کو آگ کی لپیٹ سے پیدا کیا ۔

پس اے جن و انس ، تم اپنے رب کی کن کن عجائب قدرت کو جھٹلاؤ گے؟

دونوں مشرق اور دونوں مغرب ، سب کا مالک پروردگار ہی ہے ۔

پس اے جن و انس تم اپنے رب کی کن کن قدرتوں کو جھٹلاؤ گے ؟

دو سمندروں کو اس نے چھوڑ دیا کہ با ہم مل جائیں ، پھر بھی ان کے درمیان ایک پردہ حائل ہے جس سے وہ تجاوز نہیں کرتے ۔

پس اے جن و انس تم اپنے رب کی قدرت کے کن کن کرشموں کو جھٹلاؤ گے؟

ان سمندروں سے موتی اور مونگے نکلتے ہیں۔

پس اے جن و انس تم اپنے رب کی قدرت کے کن کن کمالات کو جھٹلاؤ گے ؟

اور یہ جہاز اسی کے ہیں جو سمندر میں پہاڑوں کی طرح اونچے اٹھے ہوۓ ہیں ۔

پس اے جن و انس ، تم اپنے رب کی کن کن احسانات کو جھٹلاؤ گے ؟ ع

ہر چیز جو اس زمین پر ہے فنا ہو جانے والی ہے اور صرف تیرے رب کی جلیل و کریم ذات ہی باقی رہنے والی ہے۔

پس اے جن و انس ، تم اپنے رب کے کن کن کما لات کو جھٹلاؤ گے؟

زمین اور آسمانوں میں جو بھی ہیں سب اپنی حاجتیں اسی سے مانگ رہے ہیں ۔ ہر آن وہ نئی شان میں ہے۔

پس اے جن و انس ، تم اپنے رب کی کن کن صفات حمید ہ کو جھٹلاؤ گے؟ ۔

اے زمین کے بوجھو ، عنقریب ہم تم سے باز پرس کرنے کے لیۓ فارغ ہو ۓ جاتے ہیں،

(پھر دیکھ لیں گے کہ )، تم اپنے رب کے کن کن احسانات کو جھٹلاؤ تے ہو؟۔

اے گرہ جن و انس اگر تم زمین اور آسمان کی سرحدوں سے نکل کر بھاگ سکتے ہو تو بھاگ دیکھو ۔ نہیں بھاگ سکتے ۔ اس کے لیۓ بڑا زور چاہیے ۔

اپنے رب کی کن کن قدرتوں کو تم جھٹلاؤ گے ؟

(بھاگنے کی کوشش کرو گے تو ) تم پر آگ کا شعلہ اور دھواں چھوڑ دیا جاۓ گا جس کا تم مقابلہ نہ کر سکو گے ۔

اے جن و انس ، تم اپنے رب کی کن کن قدرتوں کا انکار کرو گے ؟

پھر (کیا بنے گی اس وقت ) جب آسمان پھٹے گا اور لال چمڑے کی طرح سرخ ہو جا ۓ گا؟

اے جن و انس (اس وقت ) تم اپنے کن کن قدرتوں کو جھٹلاؤ گے ؟

اس روز کسی انسان اور کسی جن سے اس کا گنا ہ پوچھنے کی ضرورت نہ ہو گی ۔

پھر پھر (دیکھ لیا جاۓ گا کہ ) تم دونوں گروہ رب کے کن کن احسانات کا انکار کرتے ہو

۔ مجرم وہاں اپنے چہروں سے پہچان لیۓ جائیں گے اور انہیں پیشانی کے بال اور پاؤں پکڑ پکڑ کر گھسیٹا جاۓ گا ۔

اس وقت تم اپنے رب کی کن کن قدرتوں کو جھٹلاؤ گے ؟

(اس وقت کہا جاۓ گا ) یہ وہی جہنم ہے جس کو مجرمین جھوٹ قرار دیا کرتے تھے ۔ اسی جہنم اور کھولتے ہوۓ پانی کے درمیان وہ گردش کرتے رہیں گے ۔

پھر اپنے رب کی کن کن قدرتوں کو تم جھٹلاؤ گے؟ ع

اور ہر اس شخص کے لیۓ جو اپنے رب کے حضور پیش ہونے کا خوف رکھتا ہو، دو باغ ہیں ۔